நுட்பத் துணுக்குகள்

பயனுள்ள நுட்பத் தகவல்கள் மற்றும் இணைப்புகள்
  • Vidque: காணொளிகளின் கதம்பம்

    இணையத்தில் காணொளிகளின் வியாபிப்பு மிகவும் வியக்கத்தக்கது. YouTube மற்றும் Vimeo போன்ற தளங்கள் மூலம் நாளாந்தம் பகிர்ந்து கொள்ளப்படுகின்ற காணொளிகளின் அளவு மிகவும் அதிகமானது. (ஒரு நிமிடத்திற்கு YouTube தளத்தில் மட்டும் 35 மணித்தியால காணொளிகள் இணைக்கப்படுகின்றன என்கிறது புள்ளிவிபரம்.) இவ்வாறு இணைக்கப்படும் காணொளிகளில் பொருத்தமான, தேவையான காணொளியை பெற்றுக் கொள்வது அவ்வளசு லேசுபட்ட காரியமல்ல. இந்த நிலையை இலகுவாக்கும் சாத்தியத்தை Vidque செய்கிறது. இதன் மூலம், காணொளிகளின் எண்ணிக்கையை விட அதன் தரத்திற்கு முன்னுரிமை வழங்கப்படுகிறது. தரம் எப்போதும் முக்கியமென்பதில் இருவேறு கருத்திருக்க வாய்ப்பில்லை தானே!

  • PDF கோப்புகளை இலகுவில் பார்வையிடல்

    PDF கோப்புகளை கணினியில் பார்வையிடுவதற்காக விசேடித்த செய்நிரல்கள் காணப்படுகின்றன. அதில் முதன்மையானது, Adobe நிறுவனத்தால் இலவசமாக வழங்கப்படும் Adobe Reader ஐச் சொல்லலாம். ஆனாலும், இந்தச் செய்நிரலானது, கணினியில் செயற்படுத்தப்பட்டதும் அது தொழிற்பட கொஞ்சம் நேரமெடுக்கும். இந்த நேரவிரயத்தை நீக்கி, வேகமாக PDF கோப்புகளை கணினியில் பார்வையிடுவதற்கான சாத்தியங்களை உண்டாக்கியுள்ள பல செய்நிரல்கள் காணப்படுகின்றன. ஆனால், அவற்றில் குறிப்பிடத்தக்கவை இரண்டாகும். Foxit Reader, Sumatra PDF என்பவையே அவையாகும். இவற்றில், Sumatra PDF மின்னல் வேகத்தில் Windows OS இல் இயங்குவதோடு, Adobe Reader இன் சில விஷேடித்த பண்புகளையும் தன்னகம் கொண்டுள்ளது. Sumatra என்றவுடன் உங்களுக்கு சுனாமி சிலவேளை ஞாபகம் வந்திருக்கலாம். Sumatra PDF வேகமாக இயங்குவதால், நேரத்தைக் கொஞ்சம் சேமிக்கலாம்.

  • ஜிமெயிலிற்கு எளிமையான இடைமுகம்

    இணைய அடிப்படையான செய்நிரல்கள் பல நாளாந்தம் எமது கருமங்களை சுலபமாகச் செய்ய உதவிக் கொண்டேயிருக்கின்றன. ஆனாலும், இணையச் செய்நிரல்களில் நாம் பயன்படுத்தாத சில விடயங்கள் கூட அதன் இடைமுகத்தில் தோற்றமளித்து, திரையின் இடத்தையும் எடுத்து சில நேரங்களில் தேவையில்லாத தாமதிப்புகளையும் உண்டு பண்ணும். ஜிமெயிலில் இவ்வாறு தேவையல்லாத விடயங்களை தவிர்த்து தேவையான விடயங்களோடு, அதன் இடைமுகத்தை எளிமையாகத் தோற்றச் செய்வதற்கான Chrome இணைய உலாவியில் தொழிற்படும் நீட்டிப்பொன்று வெளியாகி அனைவரையும் கவர்ந்துள்ளது. நீங்களும் இங்கு சென்று அந்த Minimalist Gmail என்ற extension ஐ உங்கள் Chrome இல் நிறுவுதன் மூலம் ஜிமெயிலின் இடைமுகத்தை எளிமையாக்கலாம்.

  • 2010: நுட்பங்களின் அறுசுவை

    கடந்த 2010 ஆம் ஆண்டு, தந்துவிட்ட தொழில்நுட்பம் சார்ந்த விடயங்கள் சாதனைகள், சவால்கள் என பல கோணங்களையும் கொண்டவை. பல இணையத்தளங்களும் நுட்பங்கள் சார்பான கடந்த வருடத்தின் போக்கைப் பற்றி, தங்கள் பார்வைகளை வெளியிட்டிருந்தது. அதில் அழகாக வடிவமைக்கப்பட்டிருந்த இந்த Infographics என்னைக் கவர்ந்தது. இதேவேளை, New Scientist சஞ்சிகையின் தொழில்நுட்பம் சார்பான 2010 இன் பார்வையும் பல முக்கியமான விடயங்களை குறிப்பிட்டிருந்தது. அவர்களின் 2010 இன் முக்கிய 10 தொழில்நுட்ப விடயங்களின் தொகுப்பு இங்கேயிருக்கிறது. இதேவேளை, புதுநுட்பம் அன்பு வாசகர்களாகிய உங்களுக்கு எமது புதுவருட வாழ்த்துக்களையும் தெரிவித்துக் கொள்கிறோம். புதிய வருடத்திலும் உங்கள் நுட்பங்கள் பற்றிய புரிதலை விரிவாக்குவதில் துணை நிற்போம் என்று கூறிக் கொள்கிறோம். பல புதிய விடயங்கள் புதுநுட்பத்தில் வரவிருக்கின்றது. புது வருட வாழ்த்துக்கள்.

  • தமிழ் குரோம் Transliterate extension

    அண்மைக்காலமாக அனைவரையும் கவர்ந்து வருகின்ற இணைய உலாவியாக Google Chrome உலாவியைச் சொல்ல முடியும். அதன் எளிமையான தோற்றம், வேகமான செயற்பாடு போன்றவை இதற்கு முதன்மையான காரணங்களாக இருக்கக்கூடும். Chrome உலாவியில் இயங்கும் தகவுள்ள பல உபயோகமுள்ள extensions நாளுக்கு நாள் அறிமுகப்படுத்தப்பட்டுக் கொண்டிருக்கின்றன. இதேவேளை, இலகுவில் தமிழ் யுனிகோட் முறையில் தட்டச்சு செய்வதை சாத்தியமாக்கும் நிலையை Chrome browser இல் கொண்டுவர நான் ஒரு extension ஐ உருவாக்கியுள்ளேன். இந்த extension ஐ நீங்கள் உங்கள் Chrome உலாவியில் நிறுவி இலகுவில் தமிழில் தட்டச்சு செய்ய முடியும். தமிழ் குரோம் Transliterate என்ற extension ஐ install செய்ய Google Chrome Web Store இற்கு செல்ல வேண்டும். அதற்கான இணைப்பு இது. இந்த extension இயங்கும் முறையைச் சொல்லுவதாய் அமைந்த வீடியோ கீழே இணைத்துள்ளேன். உங்கள் எண்ணங்களை அழகு தமிழில் இலகுவாக இணையத்தில் பகிரலாமே!

முந்தைய முந்தைய துணுக்குகள்
Popular Posts and Tags

மின்னஞ்சலில் புதுநுட்பம்

உங்கள் மின்னஞ்சல் முகவரி:

Twitter இல் எங்களைத் தொடருங்கள். @puthunutpam

iPad இற்கான Twitter App

Posted : Sep - 02 - 2010 @ : 2:55 pm | Filled under: நுட்பத் துணுக்குகள் | No comments

iPad இற்கான உத்தியோகபூர்வமான Twitter App ஆனது, இன்று வெளியிடப்பட்டுள்ளது. இந்த App பல கவர்ச்சிகரமான புதிய வசதிகளைக் கொண்டிருப்பது iPad பயனர்களை மகிழ்ச்சியில் ஆழ்த்தியுள்ளதெனலாம். iPad இன் Twitter App ஐ iPhone இன் Twitter App இனது, மேம்படுத்தப்பட்ட பதிப்பு என்று வெறுமனே சொல்லிவிட முடியாது. அது முற்றிலும் புதிய இடைமுகத்தை கொண்டிருப்பதோடு, மிகவும் துரிதமாக இணையத்தளங்கள் மற்றும் நிழற்படங்களை பார்வையிடும் வாய்ப்பையும் இது ஏற்படுத்தித் தருகிறது. iPad இற்கான Twitter ஐ இங்கு பதிவிறக்கிக் கொள்ள முடியும்.

Apple உம் எண்களும்

Posted : Sep - 02 - 2010 @ : 1:43 am | Filled under: நுட்பத் துணுக்குகள் | No comments

நேற்று இடம்பெற்ற Apple இன் செய்தியாளர் மாநாட்டில், புதிதாக iTunes 10 மற்றும் Ping என்ற இசைப்பிரியர்களுக்கான சமூக வலைப்பின்னல் என்பன உருவாக்கப்பட்ட போதிலும், அங்கு எண்கள் பற்றிய தரவுகள் முதன்மை பெற்றது எனலாம். அண்மையில் Google ஆனது, தாங்கள் நாளாந்தம் 200,000 Android தொலைபேசிகளை Activate செய்வதாக அறிவித்தது. அதேவேளை, Apple நாளாந்தம் 230,000 iPhone களை Activate செய்வதாக அறிவித்துள்ளது. இதுவரையிலும், Apple AppStore இலிருந்து 6.5 பில்லியன் Apps பதிவிறக்கம் செய்யப்பட்டுள்ளது. அத்தோடு, 275 மில்லியன் iPod களை இதுவரையில் Apple விற்பனை செய்திருக்கிறது. புதிதாக ஆரம்பிக்கப்பட்டுள்ள Ping சேவை, 160 மில்லியன் பயனர்கள் இணைந்த நிலையிலேயே தொடங்கப்படுகிறது. அதுமட்டுமல்லாது iTunes இலிருந்து 100 மில்லியன் தடைவை திரைப்படங்களும், 450 மில்லியன் தடைவை தொலைக்காட்சித் தொடர்களும், 35 மில்லியன் தடைவை புத்தகங்களும், 11.7 பில்லியன் தடைவை பாடல்களும் பதிவிறக்கம் செய்யப்பட்டுள்ளன.

Apple இன் செய்தியாளர் மாநாடு

Posted : Sep - 01 - 2010 @ : 2:06 pm | Filled under: நுட்பத் துணுக்குகள் | No comments

Apple நிறுவனத்தின் செய்தியாளர் மாநாடானது, இன்று GMT நேரப்படி 1800 இற்கு (இன்னும் நான்கு மணித்தியாலத்தில்) ஆரம்பமாகவுள்ளது. இதன் முக்கியத்துவம் என்னவென்றால், Apple இன் செய்தியாளர் மாநாடாக்கட்டும், செய்நிரலாளர்களின் மாநாடாக்கட்டும் அவை எதுவும் Apple நிறுவனத்தால் நேரடியாக ஒளிபரப்பு செய்யப்படுவதில்லை. மாறாக, தொடர்ந்து Refresh ஆகும் பிரபலமான வலைப்பதிவுகளிலிருந்தே நேரடி தகவல்களைப் பெறமுடியும். ஆனால், முதல் தடைவையாக, இன்று Apple நிறுவனம் நேரடியாக வீடியோ ஒளிபரப்பை தனது உத்தியோகபூர்வ தளத்தில் குறித்த நேரத்தில் ஆரம்பிக்கவுள்ளது.

ஐபோன் 4 வெளியாகியது!

Posted : Jun - 08 - 2010 @ : 6:18 pm | Filled under: சாதனங்கள் | No comments

அப்பிள் கணினி நிறுவனம், நிகரற்ற தொழில்நுட்ப நிலைகளை வெளியிடுவதில் ஜாம்பவான்கள், அண்மையில் அனைவரும் எதிர்பார்த்திருந்த வகையில் ஐபோனின் 4 வது தலைமுறை வடிவமைப்பை வெளியிட்டது. அப்பிள் நிறுவனத்தின் உலகின் பல பாகங்களிலிருந்தும் கூடிய மென்பொருள் வல்லுனர்களின் மாநாட்டில் அப்பிள் நிறுவனத்தின் தலைவர் ஸ்டீவ் ஜொப்ஸ் அவருக்கே உரித்தான தனித்துவமான நிலையில் ஐபோன் 4 ஐ வெளியிட்டு வைத்தார்.