நுட்பத் துணுக்குகள்

பயனுள்ள நுட்பத் தகவல்கள் மற்றும் இணைப்புகள்
  • Vidque: காணொளிகளின் கதம்பம்

    இணையத்தில் காணொளிகளின் வியாபிப்பு மிகவும் வியக்கத்தக்கது. YouTube மற்றும் Vimeo போன்ற தளங்கள் மூலம் நாளாந்தம் பகிர்ந்து கொள்ளப்படுகின்ற காணொளிகளின் அளவு மிகவும் அதிகமானது. (ஒரு நிமிடத்திற்கு YouTube தளத்தில் மட்டும் 35 மணித்தியால காணொளிகள் இணைக்கப்படுகின்றன என்கிறது புள்ளிவிபரம்.) இவ்வாறு இணைக்கப்படும் காணொளிகளில் பொருத்தமான, தேவையான காணொளியை பெற்றுக் கொள்வது அவ்வளசு லேசுபட்ட காரியமல்ல. இந்த நிலையை இலகுவாக்கும் சாத்தியத்தை Vidque செய்கிறது. இதன் மூலம், காணொளிகளின் எண்ணிக்கையை விட அதன் தரத்திற்கு முன்னுரிமை வழங்கப்படுகிறது. தரம் எப்போதும் முக்கியமென்பதில் இருவேறு கருத்திருக்க வாய்ப்பில்லை தானே!

  • PDF கோப்புகளை இலகுவில் பார்வையிடல்

    PDF கோப்புகளை கணினியில் பார்வையிடுவதற்காக விசேடித்த செய்நிரல்கள் காணப்படுகின்றன. அதில் முதன்மையானது, Adobe நிறுவனத்தால் இலவசமாக வழங்கப்படும் Adobe Reader ஐச் சொல்லலாம். ஆனாலும், இந்தச் செய்நிரலானது, கணினியில் செயற்படுத்தப்பட்டதும் அது தொழிற்பட கொஞ்சம் நேரமெடுக்கும். இந்த நேரவிரயத்தை நீக்கி, வேகமாக PDF கோப்புகளை கணினியில் பார்வையிடுவதற்கான சாத்தியங்களை உண்டாக்கியுள்ள பல செய்நிரல்கள் காணப்படுகின்றன. ஆனால், அவற்றில் குறிப்பிடத்தக்கவை இரண்டாகும். Foxit Reader, Sumatra PDF என்பவையே அவையாகும். இவற்றில், Sumatra PDF மின்னல் வேகத்தில் Windows OS இல் இயங்குவதோடு, Adobe Reader இன் சில விஷேடித்த பண்புகளையும் தன்னகம் கொண்டுள்ளது. Sumatra என்றவுடன் உங்களுக்கு சுனாமி சிலவேளை ஞாபகம் வந்திருக்கலாம். Sumatra PDF வேகமாக இயங்குவதால், நேரத்தைக் கொஞ்சம் சேமிக்கலாம்.

  • ஜிமெயிலிற்கு எளிமையான இடைமுகம்

    இணைய அடிப்படையான செய்நிரல்கள் பல நாளாந்தம் எமது கருமங்களை சுலபமாகச் செய்ய உதவிக் கொண்டேயிருக்கின்றன. ஆனாலும், இணையச் செய்நிரல்களில் நாம் பயன்படுத்தாத சில விடயங்கள் கூட அதன் இடைமுகத்தில் தோற்றமளித்து, திரையின் இடத்தையும் எடுத்து சில நேரங்களில் தேவையில்லாத தாமதிப்புகளையும் உண்டு பண்ணும். ஜிமெயிலில் இவ்வாறு தேவையல்லாத விடயங்களை தவிர்த்து தேவையான விடயங்களோடு, அதன் இடைமுகத்தை எளிமையாகத் தோற்றச் செய்வதற்கான Chrome இணைய உலாவியில் தொழிற்படும் நீட்டிப்பொன்று வெளியாகி அனைவரையும் கவர்ந்துள்ளது. நீங்களும் இங்கு சென்று அந்த Minimalist Gmail என்ற extension ஐ உங்கள் Chrome இல் நிறுவுதன் மூலம் ஜிமெயிலின் இடைமுகத்தை எளிமையாக்கலாம்.

  • 2010: நுட்பங்களின் அறுசுவை

    கடந்த 2010 ஆம் ஆண்டு, தந்துவிட்ட தொழில்நுட்பம் சார்ந்த விடயங்கள் சாதனைகள், சவால்கள் என பல கோணங்களையும் கொண்டவை. பல இணையத்தளங்களும் நுட்பங்கள் சார்பான கடந்த வருடத்தின் போக்கைப் பற்றி, தங்கள் பார்வைகளை வெளியிட்டிருந்தது. அதில் அழகாக வடிவமைக்கப்பட்டிருந்த இந்த Infographics என்னைக் கவர்ந்தது. இதேவேளை, New Scientist சஞ்சிகையின் தொழில்நுட்பம் சார்பான 2010 இன் பார்வையும் பல முக்கியமான விடயங்களை குறிப்பிட்டிருந்தது. அவர்களின் 2010 இன் முக்கிய 10 தொழில்நுட்ப விடயங்களின் தொகுப்பு இங்கேயிருக்கிறது. இதேவேளை, புதுநுட்பம் அன்பு வாசகர்களாகிய உங்களுக்கு எமது புதுவருட வாழ்த்துக்களையும் தெரிவித்துக் கொள்கிறோம். புதிய வருடத்திலும் உங்கள் நுட்பங்கள் பற்றிய புரிதலை விரிவாக்குவதில் துணை நிற்போம் என்று கூறிக் கொள்கிறோம். பல புதிய விடயங்கள் புதுநுட்பத்தில் வரவிருக்கின்றது. புது வருட வாழ்த்துக்கள்.

  • தமிழ் குரோம் Transliterate extension

    அண்மைக்காலமாக அனைவரையும் கவர்ந்து வருகின்ற இணைய உலாவியாக Google Chrome உலாவியைச் சொல்ல முடியும். அதன் எளிமையான தோற்றம், வேகமான செயற்பாடு போன்றவை இதற்கு முதன்மையான காரணங்களாக இருக்கக்கூடும். Chrome உலாவியில் இயங்கும் தகவுள்ள பல உபயோகமுள்ள extensions நாளுக்கு நாள் அறிமுகப்படுத்தப்பட்டுக் கொண்டிருக்கின்றன. இதேவேளை, இலகுவில் தமிழ் யுனிகோட் முறையில் தட்டச்சு செய்வதை சாத்தியமாக்கும் நிலையை Chrome browser இல் கொண்டுவர நான் ஒரு extension ஐ உருவாக்கியுள்ளேன். இந்த extension ஐ நீங்கள் உங்கள் Chrome உலாவியில் நிறுவி இலகுவில் தமிழில் தட்டச்சு செய்ய முடியும். தமிழ் குரோம் Transliterate என்ற extension ஐ install செய்ய Google Chrome Web Store இற்கு செல்ல வேண்டும். அதற்கான இணைப்பு இது. இந்த extension இயங்கும் முறையைச் சொல்லுவதாய் அமைந்த வீடியோ கீழே இணைத்துள்ளேன். உங்கள் எண்ணங்களை அழகு தமிழில் இலகுவாக இணையத்தில் பகிரலாமே!

முந்தைய முந்தைய துணுக்குகள்
Popular Posts and Tags

மின்னஞ்சலில் புதுநுட்பம்

உங்கள் மின்னஞ்சல் முகவரி:

Twitter இல் எங்களைத் தொடருங்கள். @puthunutpam

Chrome OS & Web Store: நீங்கள் அறிய வேண்டியவைகள்

எழுதியவர் | | மறுமொழி சேர்க்க.

அண்மையில் Google தனது Chrome Web Store ஐ உலகலளவில் அறிமுகம் செய்து வைத்தது. இதன் முழு நோக்கமும் Apple இன் Apps Store கையடக்கத் தொலைபேசிகளில் புரட்சி செய்தது போன்று, Chrome browser இல் ஆக்கபூர்வமான நிலைகளை ஏற்படுத்துவது ஆகும். இந்த Web Store இல் தேவையான இணைய செய்நிரலைகளைத் தேடி, நிறுவிக் கொள்ளக் கூடிய வாய்ப்பு ஏற்படுத்தப்பட்டுள்ளது.

இந்த அறிமுக நிகழ்வோடு சேர்ந்தாற் போல், இணைய உலாவியை மையமாகக் கொண்ட நிலையில் இயங்கும் Chrome OS பணிசெயல் முறையைக் கொண்ட புதிய Netbook அறிமுகம் செய்து வைக்கப்பட்டது. அத்தோடு, இந்த Web Store என்பது Chrome இன் ஒரு பகுதியாகும். Chrome apps ஆக இனங்காணப்பட்டு நிறுவப்படக்கூடிய செய்நிரல்கள் ஏனைய இணைய உலாவிகளிலும் செயற்படக்கூடியது. ஏனெனில், அவை பெரும்பாலும் இணையத்தளம் சார்ந்த செய்நிரல்கள். ஆனால், நீங்கள் Apps ஐ extensions ஆக இனங்கண்டு கொள்ளக்கூடாது. Extensions எனப்படுபவவை Chrome browser இற்கே உரித்தான add-ons ஆகும்.

இன்னும் குழப்பமாக இருக்கிறதா?

உண்மையில், Google இன் இலட்சியமான, எதிர்காலத்தை நோக்கியதான திட்டங்களை சாதாரண கணினி பயனர்களுக்கு அவ்வளவு இலகுவில் விளங்கப்படுத்திவிட முடியாது. அதனாலேயே, Google இன் இலட்சியக் கனவுகளின் ஆதாரத்தை உலகம் புரிந்து கொள்ள காலம் செல்லும்.

Google இன் பாரிய திட்டம்

Google இன் திட்டம் தான் என்ன? எதிர்காலத்தில் எமக்கு தேவையானது வெறும் இணைய உலாவி (Web Browser) மட்டுந்தான், வேறு எதுவுமல்ல என Google நினைக்கிறது. இணைய நிலை சார்பாக மக்கள் தங்கள் நேரங்களைக் செலவழிக்கும் போது, சம்பிரதாய பணிசெயல் முறைகளான Windows, Mac OS போன்றவற்றிற்கான தேவை இழிவளவாக்கப்பட்டுவிடும். கணினிகள் மிக வேகமாக செயற்பட்டு, உடனடியாக இணைய உலாவியின் இடைமுகத்தை பயனருக்கு வழங்க வேண்டுமென்பதே Google இன் திட்டம். இந்த நிலையானது, Google இன் எளிமையான Chrome OS இனால் சாத்தியமாக்கப்பட்டுள்ளது என்பது இனிய செய்தி.

இணைய நிலை சார்ந்த செய்நிரல்கள் கொண்ட இந்தப் புதிய உலகில், சம்பிரதாய செய்நிரல்கள் இணைய நிலைச் செய்நிரல்களால் பிரதியிடப்பட்டுள்ளதோடு, உங்களின் அத்தனை கோப்புகள், தகவல்கள் என எல்லாமே குறித்த கணினியில் சேமிக்கப்படாமல், இணையத்தில் சேமித்து வைக்கப்பட்டுள்ளன. அதற்காகத்தான், இந்த Chrome Web Store வெளியிடப்பட்டது.

Chrome இன் எதிர்காலத் திட்டங்களை எதிர்வுகூறவோ, விளக்கிச் சொல்லவோ மிகவும் கடினமாகும், ஏனெனில், Google இன் நடவடிக்கைகள் புதுமைகள் தரவல்ல நிலையில், இருப்பது சுவை. ஆனாலும், Chrome browser அண்மைக் காலமாக மிகப் பெரிதளவில் பிரபல்யமடைந்து வருவதோடு, 10 சதவீதமான சந்தைப் பங்குகளைத் தன்னகம் கொண்டுள்ளது. அத்தோடு, புதிய Chrome OS கொண்ட Netbook களை Google தேர்ந்தெடுக்கப்பட்ட சிலரிடையே பரீட்சார்த்த நிலையில் பயன்படுத்தப்பட்டு வருகிறது. அத்தோடு, Pilot program மூலமாக பயனர்களின் கருத்துக்களும் சேர்த்து Chrome OS ஐ Google வளப்படுத்திக் கொள்ள எண்ணியுள்ளது.

இதேவேளை, Chrome OS ஐக் கொண்ட நிலையில் அமைந்த Netbook கள், அடுத்தவருடம் நடுப்பகுதியில் சந்தைக்கு வருவதாக அறிவிக்கப்பட்டுள்ளது.

Chrome OS இற்கான அறிமுக காணொளியை அண்மையில், Google வெளியிட்டது. இந்தக் காணொளியில், தீர்க்கப்பட வேண்டிய சமன்பாடொன்றையும் Google இணைத்திருந்தது. அதனைத் தீர்த்தவருக்கு Chrome OS கொண்ட Netbook உம் வழங்கப்பட்டது. அது பற்றிய செய்தியை Google Chrome இன் வலைப்பதிவில் காணலாம்.

குறித்த காணொளி இதோ:

எதிர்காலம் பற்றிய Google இன் பாதை மிகவும் முன்னேற்றகரமானது.

இதேவேளை, புதுநுட்பம் தளத்திற்கான இணைய செய்நிரலும், Chrome Web Store இல் இணைக்கப்பட்டுள்ளது. அதனை நீங்கள் இங்கு சென்று உங்கள் Chrome இணைய உலாவியில் நிறுவிக் கொள்ள முடியும்.

பகிர்தல் பலன் தரும்

தொடர்புள்ள பதிவுகள்

எழுதியவர்

தாரிக் அஸீஸ், உதய தாரகை என்றே வலையுலகில் அறியப்பட்டவர். இவரால் நிறம் என்ற வலைப்பதிவு எழுதப்பட்டு வருகிறது. இவர் இணையத்தையும் கணினியையும் காதலிக்கிறார்.


பதிப்பித்தது: December 12th, 2010