இணைய நிலை சார்ந்த மின்னஞ்சல் என நாம் கதைக்கின்ற போது, ஞாபகத்திற்கு வருவது, ஜிமெயில் தான். கூகிளினால் வழங்கப்படும் இந்த இணைய மின்னஞ்சல் வசதியானது, மின்னஞ்சல் பற்றிய சம்பிரதாய சிந்தனை தகர்த்தெறிந்தது எனலாம். இந்தப் புதுமையான சேவையை பலரும் பயன்படுத்தத் தொடங்கினர், இதன் மூலம் எய்தப்படும் நன்மைகள் பற்றி மக்கள் பேசத் தொடங்கினர். தேவையில்லாத எரிதங்களை வடிகட்டித் தரும் மிகச்சிறந்த தொழில்நுட்பமும் இந்த ஜிமெயிலில் இருப்பது அழகு. அண்மையில், இது அறிமுகப்படுத்திய Priority Inbox என்கின்ற புதிய நிலை சேவை கூட, தேவையான மின்னஞ்சல்களையும் தரம்பிரித்து தருவதை சாத்தியமாக்கியுள்ளது எனலாம்.

ஜிமெயில் தொடங்கிய காலத்திலிருந்தே மின்னஞ்சல் சேவை தொடர்பில் புதுமைகளைத் தந்து கொண்டேயிருந்தது. இதன் வளர்ச்சி தொடர்ந்து கொண்டு தான் இருக்கிறது. 2008 ஆம் ஆண்டு, 13 பண்புகளை ஆளும் (Features) Gmail Labs என்ற புதிய பகுதியை ஜிமெயில் அறிமுகப்படுத்தியதை நீங்கள் அறிவீர்கள்.

காலத்திற்கு காலம் ஜிமெயிலின் பொறியியலாளர்கள், பரிசோதிக்கும் Features ஐ ஜிமெயில் பயனர்களோடு பகிர்ந்து கொள்ளவே இந்த நடவடிக்கை இருக்கிறது.

இந்த பரிசோதனை நிலை விடயங்களில் பலதும் பயன்தரக்கூடியதே! அவற்றில் ஒன்றான, Undo Send என்கின்ற நாம் ஒருவருக்கு அனுப்பிய மின்னஞ்சல்களை குறித்த நபரை அடைவதற்கு முன்னர், எவ்வாறு திரும்பப் பெற்றுக் கொள்ள முடியும் என்பதைப் பார்க்கலாம். இந்த சிறப்பான வசதியானது, பலவேளைகளில் கைகொடுக்கும்.

Enable செய்தல்

முதலில் Gmail இன் Settings என்ற இணைப்பை கிளிக் செய்ய வேண்டும்.

அப்படி கிளிக் செய்த பின்னர், Gmail இன் Settings இன் இடைமுகம் காட்சிக்குப் புலனாகும். அதில் Labs என்ற Tabs ஐ கிளிக் செய்ய வேண்டும்.

இவ்வாறு Labs tab ஐ கிளிக் செய்யும் போது, Gmail இல் Labs இலுள்ள அத்தனை வசதிகளும் பட்டியற்படுத்தப்பட்டிருக்கும்.

அவற்றுள், Undo Send என்பதை தேடி எடுக்க வேண்டும். வெறுமனே scroll செய்வதனால் கண்டுபிடிக்கலாம். ஆனால், அதை விடவும் இலேசான வழியொன்றும் உள்ளது, நீங்கள் உங்கள் விசைப்பலகையில், Ctrl + F ஐ ஒருமிக்க அழுத்தும் நிலையில், இணைய உலாவியின் தேடல் செய்வதற்கான இடைமுகம் தோன்றும் அதில் நீங்கள் Undo Send என்பதை type செய்கின்ற போது, அது இருக்கும் இடத்தை அப்படியே காட்டித்தரும்.

அவ்வாறு கண்டுபிடித்த Undo Send என்ற பதிவு நிலையை Enable என்ற தெரிவைக் கொண்டு தெரிவு செய்ய வேண்டும்.

பின்னர், அந்த இடைமுகத்தில் காணப்படும் Save Changes என்கின்ற Button ஐ கிளிக் செய்து, மாற்றங்களை சேமித்துக் கொள்ளலாம்.

நாம் ஒருவருக்கு அனுப்பிய மின்னஞ்சலை அவரை அடைவதற்கு முன்னரே திரும்பிப் பெற்றுக் கொள்ள தேவையான வசதி இப்போது தயார் நிலையில் இருக்கிறது.

எவ்வளவு நேரத்திற்குள் Undo செய்யலாம்?

இப்போது, நீங்கள் மின்னஞ்சல்களை அனுப்பியதும், உங்களில் மின்னஞ்சல் இடைமுகத்தின் மேலே Undo என்ற இணைப்பு தோன்றும். அதனை கிளிக் செய்வதன் மூலம் அனுப்பிய மின்னஞ்சலை திரும்பிப் பெற்றுக் கொள்ள முடியும்.

ஆனால், எவ்வளவு நேரத்திற்குள் அனுப்பிய மின்னஞ்சலை திரும்பப் பெற்றுக் கொள்ளலாம் என்கின்ற கேள்வி நிராசையாகவே உங்களுக்குத் தோன்றலாம். இந்த வசதி Gmail இல் அறிமுகப்படுத்தப்பட்ட ஆரம்ப நாட்களில் ஆறு செக்கன்களுக்குள் மாத்திரமே நீங்கள் Undo செய்ய முடியும். பின்னர், அந்த Undo இணைப்பு மறைந்து விடும். ஆனால், அண்மையில், Gmail புதிதாக Undo செய்வதற்கான நேரத்தை நீங்களே தேர்வு செய்து கொள்ளும் வாய்ப்பை வழங்கியுள்ளது.

நீங்கள் Gmail Labs இல் Undo Send ஐ Enable செய்ததும், Gmail இன் Settings இடைமுகத்தின் General tab இல் புதியதொரு தெரிவு தோன்றியிருக்கும். Send cancellation period என்று செக்கன்களில் நேரத்தை குறித்துக் காட்டியிருக்கும். அந்த drop down மெனுவிலிருந்து, 5 அல்லது 10 அல்லது 20 அல்லது 30 செக்கன்கள் என்ற நான்கு தெரிவுகளில் ஒன்றைத் தெரிவு செய்யலாம். உயர்ந்தபட்டசமாக 30 செக்கன்களையே தெரிவு செய்ய முடியும்.

இனியென்ன, தவறுதலாக அனுப்பிய அல்லது “ஐயோ, அந்த மெயிலில் ஒரு விடயத்தை சேர்க்க மறந்துட்டேனே!” என்ற கவலையெல்லாம் வேண்டாம். அனுப்பியதை திரும்பிப் பெற்று ஆனந்தம் கொள்ளுங்கள். ஆனால், எல்லாமே உச்சபட்சமாக 30 செக்கன்களுக்குள்ளே நடக்க வேண்டுமென்பது விதி.

அழகிய Ctrl + Z நிழற்படம் இங்கிருந்து எடுத்தாளப்படுகிறது.

பகிர்தல் பலன் தரும்

தொடர்புள்ள பதிவுகள்

• மறைந்திருந்து பார்க்கும் மர்மம் என்ன?
• Twitter இல் Gmail
• பலமான Password ஐ உருவாக்குதல்
• Gmail இன் Priority Inbox சேவை

Tags: email, gmail, google, mail, undo, undo send
பதிப்பித்தது: September 4th, 2010